Библиотеката низ историјата


Во овие седумдесет и три години постоење и делување, Градската библиотека „Браќа Миладиновци“ - Скопје е институција од областа на културата која остварува значајна улога во собирањето, чувањето, заштитата, истражувањето, проучувањето, промовирањето и користењето на пишаната културна историја, давајќи придонес во развивањето на знаењето и негувањето на националните културни вредности.

По ослободувањето на Скопје, во март 1945 година е донесена одлука за формирање на библиотека во градот. По претходно извршените подготовки, на 15 ноември истата година Библиотеката ја започнува својата културно-просветна дејност, со почетен книжен фонд од 3 500 публикации, од кои 500 книги биле детска литература. Во весникот „Нова Македонија“ од 16.11.1945 година е објавен написот: Градската библиотека – читална на град Скопје.

Дел од книжниот фонд со строга селекција бил преземен од предвоената библиотека која работела во Скопје од 1935 до 1940 година, а дел бил подарок од граѓаните на Скопје. Од основањето па сѐ до крајот на 1955 година, Библиотеката функционира како Градска библиотека, а од 1956 година е прогласена за околиска и е преименувана во Народна библиотека на Скопската околија, задолжена да делува како библиотечен центар за околијата. Oд 1953 до крајот на 1955 година сите библиотеки во Скопје биле под заедничка управа на Градската библиотека.

Целата историја

Настани

Објавено: 05 октомври 2022 КНИЖЕВНО ЧИТАЊЕ „ХРАБРИ НОВИ ЗБОРОВИ“

На на 5 октомври, во 12 часот во Градската библиотека „Браќа Миладиновци“ – Скопје, ќе има особено интересен настан: КНИЖЕВНО ЧИТАЊЕ „ХРАБРИ НОВИ ЗБОРОВИ“

Објавено: 02 октомври 2022 Бела ноќ 2022

Бела ноќ 2022 во нашата Библиотеката ја финализиравме синоќа, со поетско читање каде настапуваа нашите: Катерина Гогова, Митко Апостолов, Д.А.Лори, Андреј Ал-Асади, Софија Тодоровска, Диме Данов и Снежана Стојчевска, а водител на настанот беше Биљана Стојановска.

Објавено: 15 септември 2022 Промоција на книгата „Водена приказна“ од Александар Кукулев

На 15 септември, во нашата библиотека беше промовирана книгата “Водена приказна”. На промоцијата свое обраќање имаше авторот Александар Кукулев, како и промоторите др. Александар Даштевски, издавачот др. Јана Илиева и Софија Граматова Ристовска. Извадоци од романот читаше актерот Андреј Серафимовски.

Објавено: 01 јули 2022 Претставување на творештвото на Виктор Радун Теон

Денес, во Спомен собата на „Браќа Миладиновци“ беше претставено творештвото на Виктор Радун Теон.


Објавено: 17 јуни 2022 Промоција на поемата „Алгоритмеа: Евлогија за дигиталните богови“ од Стефан Марковски

Во прекрасната и топла атмосфера на Спомен-собата на Браќа Миладиновци „Т'га за југ“ во Градска библиотека „Браќа Миладиновци“ – Скопје, беше промовирана поемата „Алгоритмеа: Евлогија за дигиталните богови“ од Стефан Марковски.

Објавено: 08 јуни 2022 Промоција на книгата „Денот на црвот“

Вчера (7. Јуни), во Паркот на поезијата, во ЈУ Градска библиотека „Браќа Миладиновци“ – Скопје, се одржа промоција на книгата „Денот на црвот“ од Симона Јованоска. Романот е добитник на наградата „Роман на годината“ за 2021 година што ја доделува Фондацијата „Славко Јаневски“ од Скопје. За романот зборуваше Наташа Абрашева – Нациќ, а делови од романот читаше актерката Ива Милчова. Модератор беше Братислав Ташковски.

Објавено: 02 јуни 2022 Промоција на „Денот на црвот“

На 7 јуни, со почеток во 19:00 часот, во ЈУ Градска библиотека „Браќа Миладиновци“ – Скопје, ќе се одржи промоција на романот „Денот на црвот“ од Симона Јованоска. Романот е добитник на наградата „Роман на годината“ за 2021 година што ја доделува Фондацијата „Славко Јаневски“ од Скопје.

За романот ќе зборува Наташа Абрашева – Нациќ а делови од романот ќе чита актерот Андреј Серафимовски. Модератор ќе биде Братислав Ташковски.

Симона Јованоска е родена во 1985 година во Гостивар. Во родниот град завршила средно економско училиште, а потоа Економски факултет во Скопје, отсек маркетинг.

Во 2015 година ја објавува дебитантската книга раскази „Ги најдов во длабокото“ а во 2019 година добива второ место на конкурсот на дневн иот весник „Нова Македонија“ за расказот „Последниот кат“.

Објавено: 18 мај 2022 Промоција на „Великата лирска песна“

На 18 мај во нашата библиотека се одржа промоција на книгата поезија „Великата лирска песна“ од Санде Стојчевски. Книгата е добитник на наградата „Ацо Шопов“ на ДПМ. За наградената книга зборуваше проф. д-р Лидија Капушевска – Дракулевска, а стихови интерпретираше актерот Андреј Серафимовски.

Објавено: 12 мај 2022 Средба со читатели

“Денес во просториите на библиотеката „Кочо Рацин“-нас. Автокоманда со почеток во 12h се одржа средба со читателите на библиотеката. Настанот го водеше библиотекар Сузана Станковиќ-Стефановска, а гости беа раководителот Адије Дестановиќ и директорката Снежана Стојчевска.”

Објавено: 11 мај 2022 21. Општински натпревар „Млади библиотекари“

На 11 мај (среда) 2022 година, ЈУ Градска билиотека „Браќа Миладиновци“ – Скопје го организираше 21. Општински натпревар „Млади библиотекари“.

Објавено: 10 мај 2022 „Великата лирска песна“

На 18 мај 2022 година во ЈУ Градска библиотека „Браќа Миладиновци“, со почеток во 12:00 часот, ќе се одржи промоција на книгата „Великата лирска песна“ од Санде Стојчевски. Книгата е добитник на престижната награда „Ацо Шопов“ на ДПМ за најдобра поетска книга во 2021 година.

За книгата ќе зборува проф. д-р Лидија Капушевска – Дракулевска а стихови од наградената книга ќе кажува актерот Андреј Серафимовски

Настанот ќе се одржи во спомен - собата на Миладиновци

Објавено: 05 мај 2022 Нашите корени се нашиот јазик и нашата азбука

Во просториите на библиотеката „Илинден“ се одржа литературна средба по повод Денот на македонскиот јазик на која учествуваа ученици од литературната секција од ООУ ,,Гоце Делчев”. Овие млади поети преку свои лични творби на тема: „Нашите корени се нашиот јазик и нашата азбука”, дадоа свој придонес во одбележувањето на овој голем ден

Објавено: 05 мај 2022 Информација за одржан настан

На 5 мај 2022 година во нашата библиотека се одржа настанот „Ден на македонскиот јазик“, посветен на Кодивикацијата на македонскиот литературен јазик на 5 мај 1945 година.


Објавено: 29 април 2022 „Ден на македонскиот јазик“

На 5 мај 2022 година , со почеток во 12.00 часот во спомен-собата Миладиновци, ќе се одржи програмската манифестација „Ден на македонскиот јазик“. За кодификацијата на македонскиот литературен јазик беседа ќе одржи проф.д-р Димитар Пандев, а делови од излагањата на Крсте Петков – Мисирков, Блаже Конески, Крум Тошев, Васил Иљоски, како и поезија од Ацо Шопов, Славко Јаневски и Гане Тодоровски, ќе интерпретира актерката Сања Русеска - Ризеска.

Објавено: 01 април 2022 Промоција на „Времето на Конески“

На 7 април 2022 година во нашата библиотека ќе се промовира книгата „Времето на Конески“ од проф. д-р Димитар Пандев. Книгата е објавена во годината на славење на еден век Конески и е посветена на неговото капитално дело. Димитар Пандев е универзитетски професор по општа лингвистика на Филолошкиот факултет „ Блаже Конески“ на Универзитетот „Свети Кирил и Методиј“ во Скопје“. Автор е на 16 дела од областа на лингвистиката и филозофијата, пет прозни остварувања, една книга поезија, критички книги, повеќе антологии и научни студиии. Настанот ќе се одржи на 7 април (четврток) во спомен – собата на Миладиновци, со почеток во 12:00 часот/

Објавено: 11 март 2022 Чествување на Јован Котески

На 17 март, со почеток во 12:00 часот, во нашата библиотека ќе се одржи Чествување на големиот македонски поет Јован Котески. За големото дело на Котески ќе зборува проф.д-р Кристина Николовска, а делови од твореќтвото на Котески ќе интерпретира актерот Теоман Маскут.


Објавено: 14 јануари 2022 Известување

Читалните во библиотеката „Браќа Миладиновци“ од 17. 01. 2022 година (понеделник), започнуваат да работат со ново работно време:

  • понеделник до сабота 00-24 часот,
  • недела до 18 часот.
Читателите рекоа...
Хулија

Дарко

Ивана

Васко

Петар