Библиотеката низ историјата


Во овие седумдесет и три години постоење и делување, Градската библиотека „Браќа Миладиновци“ - Скопје е институција од областа на културата која остварува значајна улога во собирањето, чувањето, заштитата, истражувањето, проучувањето, промовирањето и користењето на пишаната културна историја, давајќи придонес во развивањето на знаењето и негувањето на националните културни вредности.

По ослободувањето на Скопје, во март 1945 година е донесена одлука за формирање на библиотека во градот. По претходно извршените подготовки, на 15 ноември истата година Библиотеката ја започнува својата културно-просветна дејност, со почетен книжен фонд од 3 500 публикации, од кои 500 книги биле детска литература. Во весникот „Нова Македонија“ од 16.11.1945 година е објавен написот: Градската библиотека – читална на град Скопје.

Дел од книжниот фонд со строга селекција бил преземен од предвоената библиотека која работела во Скопје од 1935 до 1940 година, а дел бил подарок од граѓаните на Скопје. Од основањето па сѐ до крајот на 1955 година, Библиотеката функционира како Градска библиотека, а од 1956 година е прогласена за околиска и е преименувана во Народна библиотека на Скопската околија, задолжена да делува како библиотечен центар за околијата. Oд 1953 до крајот на 1955 година сите библиотеки во Скопје биле под заедничка управа на Градската библиотека.

Целата историја

Настани

Објавено: 22 Септември 2020 Библиотеки на интернет за време на пандемијата КОВИД 19

Почитувани,
На 22, 23 и 24 септември 2020 година беше организиран експертски состанок на Златибор и Чајетина Пандемијата покрена многу тешки прашања. Прашањето над сите прашања е - како библиотекарите ја вршат својата работа? Библиотеките треба да се навикнат на реалноста на работење во време на пандемијата на КОВИД 19. Во првите редови е влијанието на дигиталните технологии, односно како корисниците, како и давателите на услуги, можат да користат дигитални алатки за да ја подобрат нивната интеракција, но и глобалната работа. Користете го трансформацискиот потенцијал на дигитализацијата при создавањето на високо поврзани интелигентни, ефикасни, сигурни и одржливи библиотечни услуги. Погледнете ги видеата во следниот линк:

Објавено: 31 Август 2020 Соопштение

Почитувани,
Од 01.09.2020 година започнува со работа читалната во библиотека ,,Страшо Пиџур”, која е дел од ЈУ Градска библиотека „Браќа Миладиновци“- Скопје. Библиотеката се наоѓа на улица ,,11 Октомври” бб. Читалната со 18 слободни места ќе работи со однапред утврден протоколод 08:00 до 19:00 часот од понеделник до петок


Објавено: 27 Август 2020 Соопштение за работа на читалните

Почитувани,
Од 01.09.2020 година читалните ќе работат од 08:00 до 19:00 часот од понеделник до петок. Протоколот за работа на читалните е на следниот линк

Објавено: 07 Август 2020 Универзална децимална класификација

Во издание на ЈУ Градска библиотека „Браќа Миладиновци“-Скопје излезе од печат библиотекарскиот прирачник „Универзална децимална класификација“ од авторите Силвана Јакимова, библиотекар-советник и Радослав Љубиќ, библиотекар-советник.

Објавено: 30 Јули 2020 „Силно светнал ден“

„Силно светнал ден“ во ЈУ Градската библиотека „Браќа Миладиновци“ Реконструирана електриката и плафоните во холовите на приземје и првиот кат.

Објавено: 02 Јули 2020 Информација за работењето на библиотеката

ЈУ Градска библиотека „Браќа Миладиновци“, од 06 (понеделник) 07.2020 година повторно почнува да работи со корисници.Во согласност со мерките и препораките од Владата на РСМ по предлог заклучоци од Комисијата за заразни болести при Министерството за здравство, донесе одлука за отпочнување со работа на библиотеките.

Објавено: 20 Април 2020 „Моќта на словото“

Почитувани,
Во издание на ЈУ Градска библиотека „Браќа Миладиновци“ - Скопје излезе одпечат книгата „Моќта на словото“ на авторите Радослав Љубиќ и СилванаЈакимова. Издавањето на книгата е финансиски помогнато од Министерството за култура на Р.С. Македонија. Библиотеката „Другарче“ која е дел од ЈУ Градска библиотека „БраќаМиладиновци“ е местото каде што секоја година, на 8-ми декември се чествува празникот „Св. Климент Охридски“. Оваа Библиотека ја има таа „привилегија“ да ги „консумира“ најдобрите детски литературни остварувања во чест Светецот македонски, сесловенски. Книгата ги содржи наградените творби на литературните конкурси организирани во таа чест, од 2011 година до денес.

Објавено: 12 Март 2020 Соопштение

Почитувани,
Согласно мерките и препораките од Владата (по предлог заклучоци од Комисија за заразни болести) донесени на ден 11.03.2020 година ЈУ Градска библиотека „Браќа Миладиновци“ - Скопје донесе одлука дека Библиотеката нема да работи со корисниците, односно ќе биде затворена. Одлуката стапува во сила веднаш. За престанокот на оваа одлука дополнително ќе бидете известени согласно состојбата и препораките.

Објавено: 10 Март 2020 Соопштение

Почитувани,
Согласно мерките и препораките од Владата (по предлог заклучоци од Комисија за заразни болести) донесени на ден 10.03.2020 година ЈУ Градска библиотека „Браќа Миладиновци“ - Скопје донесе одлука дека Библиотеката нема да работи со корисниците на читалните, односно ќе бидат затворени. Одделите за издавање на книги ќе си работат со нормално работно време. Одлуката стапува во сила веднаш . За престанокот на оваа одлука дополнително ќе бидете известени согласно состојбата и препораките.

Објавено: 10 Февруари 2020 Интерактивна книжевна работилница

Во нашата библиотека на 13 февруари 2020 година ќе се одржи Интерактивна книжевна работилница посветена на списанието за деца „Развигор“. Средбата ќе се одржи во соработка со Редакцијата „Детска радост“ и на неа ќе присуствуваат наставниот кадар и учениците од ООУ „Кирил и Методиј“ од Стајковци. Гости на настанот ќе бидат Славчо Пеев, одговорен уредник на списанието за деца „Развигор“, Вера Андон, поет за деца, Ксенија Трајчева, писател за деца и Сузана Томовска, илустратот за деца.Средбата да ќе се одржи во спомен-собата Миладиновци со почеток во 11.00 часот.

Објавено: 10 Февруари 2020 Nescafe новиот простор за кафе и разговори за сите посетители

Книгите и кафето отсекогаш одлично си пасувале 😊. Библиотеката "Браќа Миладиновци" благодарение на Nescafe го доби новиот простор за кафе и разговори за сите посетители.

Читателите рекоа...
Хулија

Дарко

Ивана

Васко

Петар