Одделение за роднокрајна литература
Во Градската библиотека „Браќа Миладиновци“, посебно место и улога има роднокрајниот оддел каде што е сместена роднокрајната збирка која е составена од собрана, средена и стручно обработена библиотечна граѓа. Одделението располага со монографски и сериски публикации, собрани дела од скопски автори, автори кои пишувале и пишуваат за Скопје, публикации кои се однесуваат за Скопје и околината, Алманах на градот Скопје, 1918-1926 г. (издание 1926 година), и други значајни документи за историјата на Скопје, публикации издадени и печатени во Скопје, записи, статии, брошури, каталози. Сите обработени библиографски единици се достапни за сите кои сакаат да се запознаат со историјата, обичаите и архитектурата на градот. Одделот е од затворен тип, а членовите можат да го користат материјалот во просториите на библиотеката. Работно време: од понеделник до петок од 8.00 до 16.00 часот
